Mianersoqqussut: Kujataani terianniat inunnut uumasunullu qanillattortut
Kalaallit Nunaanni nakorsaaneqarfik aamma Kalaallit Nunaanni Uumasut Nakorsaqarfia Inuussutissalerinermullu Oqartussaaffik innuttaasunit sapaatip akunnerini kingullerni marlunni ilisimatinneqartarput kujataani terianniat inunnik uumasunillu kiisisartut.
Taamaattumik Kalaallit Nunaanni nakorsaaneqarfiup aamma Kalaallit Nunaanni Uumasut Nakorsaqarfia Inuussutissalerinermullu Oqartussaaffiup innuttaasut kaammattorpaat teriannianut qanillattunnginnissaat.
Terianniat qanillattorniartuarput - taamaattumik innuttaasut kingumut kaammattorusuppagut teriannianut qanillattoqqusarnagit, Kalaallit Nunaanni nakorsaaneq, Henrik Trykker, erseqqissaavoq.
Aamma atuaruk VIDEO Kujataani teriannissat perlerortut ajornartorsiutigineqartut
Tassuma nalunaarutigaa, Terianniamik qimmimilluunniit perlerortumik kiitittut peqqinnissaqarfimmukassammata, tassani kiitinnerit salinneqassammata suliarineqarlutillu.
Terianniat perlerortut amerlanertigut qaasuttuusarput upanninniartuusarlutillu. Amerlanertigut paatsiveerussimaartuusarput nuffiortarlutillu.
- Terianniat perlilertillutik perlerortillutillu illoqarfinnut qanillattortarput, nujuarunnaarsimasarlutillu, uumasut nakorsaat Sanne E. Wennerberg oqarpoq.
Aamma atuaruk Terianniat perlerorsinnaanerat Qaqortumi mianersoqqussutigineqartoq
Kommune Kujalliup terinniat qimmillu pitunneqanngitsut toquttassallugit aalajangersimavaa, taakkuninnga siumugaqartuartillugu toqutsisoqartassalluni. Terianniamik siumugaqaruit tamanna kommunimut politiinulluunniit nalunaarutigissavat, Namminersorlutik Oqartussat tusagassiuutinut nalunaaruteqarlutik taama allapput.
