Mexicomi cannabis ammaakkusukkaat
Mexicomi ikiaroornartulerisartorpassuit iliuuseqarfigerusunneqarput, cannabissilu inerteqqutaajunnaarsinnissaanut, nunamut namminermut ministerinngortussap, Olga Sanchez Corderop sulissutigiumavaa.
Olga Sanchez Cordero Mexicomi senatimi ilaasortaavoq. Præsidentimut qinigaarlaap Manuel Lopez Obradorip naalakkersuisunngortitsinissaanut ministerinngortinniarneqarpoq.
Sanchez decembarip aallaqqaataani ministerinngortussaq Mexicomi ikiaroornartut pillugit inatsimmik allannguiniarpoq.
Taamaalilluni ukiorpassuarni inerteqquteqarsimaneq allanguiffigineqarsinnaavoq.
Præsidentimut juulip aallaqqaataani qinersisoqarmat Manuel Lopez Obrador qinigaanerpaavoq, kongressimilu amerlanerussuteqartussanngorluni - taamaattumik inatsisissatut siunnersuut akuerineqarsinnaavoq.
Inerteqquteqarunnaarnissaq akuerineqassappat Mexico nunat pingajuattat ammaassissaaq, Uruguay aamma Canada cannabissimik inerteqquteqarunnaareerput.
/ritzau/AFP))
