NALUNAARUSIAQ Meeqqat pisinnaatitaaffii sammineqarnerusariaqartut

Meeqqat inuusuttullu navianartorsiortut sakkortuumik suliniarfigisariaqarpavut, innuttaasut amerlasuut namminneq inuuniarnikkut ajornartorsiortunngussanngippata, Inuit pisinnaatitaaffii pillugit instituti Nunatsinni inuit pisinnaatitaaffiinik misissuereerluni taama nalunaarpoq .

Meeqqat inuusuttullu navianartorsiortut sakkortuumik suliniarfigisariaqarpavut, innuttaasut amerlasuut namminneq inuuniarnikkut ajornartorsiortunngussanngippata.

Inuit pisinnaatitaaffii pillugit instituti Nunatsinni inuit pisinnaatitaaffiinik misissuereerlun itaama nalunaarpoq .

- Meeqqat piginnaatitaaffii tassaapput suliassani annerpaallutillu pingaarnerpaasut,  Danmarkimi Inuit pisinnaatitaaffii pillugit Institutimi pisortaq Jonas Christoffersen oqarpoq.

Aamma atuaruk VIDEO Innarluutilik tummeqqakkut paarngorluni majuartariaqartartoq

Misissuinermi 2008-meersumi SFI-ip aalajangiuppaa kalaallit meerartatta 27 procentii annikittumik annertuumilluunniit sumiginnagaasimasut.

- Taamaammat  inuuniarnikkut kigornguttakkat kipitinneqarnissaat pisariaqarpoq, Kalaallit Nunaanni inuit piginnaatitaaffiinut siunnersuisoqatigiit siulittaasuat Inge Olsvig Brandt oqarpoq. Taanna piginnaatitaaffiit pillugit misissueqataasimavoq.

Nalunaarusiami kaammattuutigineqarpoq piffissaatillugu kommunit sumiginnaanerit akuleruffigisassagaat.

- Taassuma saniatigut ilaqutariit ajornartorsiortut tapersersornissaannut pikkorinnerulissaagut, angujoqqaallu suliffissaaleqisut sulilersilllugit, taamaalillutalu angajoqqaat sanngiinnerusut piitsunngornissaraluiniit ikiorserlugit, Inge Olsvig taama oqarpoq.