Melbournemi pujortarneq inerteqqutaalerlerunilu akiligassiisoqarsinnanngortoq
Australiami Melbournemi illoqarfiup qeqqani suliffeqarfiit pisiniarfiillu akornanni ornigarneqarluartartuni pujortarneq inerteqqutaalerpoq.
Melbournemi kommunimi qinikkat taama nalunaaruteqarput.
Inerteqquteqalerneq ullumimit tallimanngornermi atulersinneqarpoq, unioqqutitsisullu 456 koruuninik akiligassinneqarsinnaallutik.
AAMMA ATUARUK Tupanik tunisassiortut pujortartartunut 81 mia.-inik akiliisitaasussanngortut
Qinikkat aamma ilisimatitsissutigaat pujortaqqusiunnaartoqanerani e-cigarettitortunut tamanna atuutinngitsoq, inerteqqutaalernissaalli isumaliutigineqartoq qinikkat erseqqissaatigaat.
Pujortartut kisimik eqqorneqanngillat aammali kimmivikunik eqqaasut akiliisinneqartalissapput, kimmivikunik eqqaasut 1504 koruunit 3009 koruunillu akornanni akiligassinneqarsinnaapput. Illoqarfimmi avataanilu kimmivikunik eqqaasut akiligassinneqarsinnaallutik.
AAMMA ATUARUK Pujortartartut ikilipput sodavanditorneruvugulli
Melbournemi, borgmesterip, Sally Cappip oqaatigaa, pujortartarneq inuiaqatigiinnut akisuupilisussuusoq.
Pujortaqqusiunnaarnerup tikeraartorpassuarnut innuttaasunullu pujortarneq ajortunut iluaqutaassasoq, bormesteri oqarpoq.
/ritzau/dpa
