Meeraaqqanut siunnersortinngorlaat 21-it

Meeraaqqanut siunnertitut ilinnarneqarsinnaasoq nutaajuvoq, meeraaqqerisut, ernisussiortut perorsaasut isumaginninnermilu siunnersortit ataatsimoorlutik siusinaartumik iliuuseqarusupput.

Meeqqanut siunnersortinngorlaat 21-it anaananngortussat naartulinnginnerini, naartuneranni ernereernerinilu siunnersortassavaat. Siunertaavoq naalungiarsuit pitsaasumik ineriartortinnissaat, Namminersorlutik Oqartussat tusagassiuutinut nalunaaruteqarput.

Anaanap meeqqallu qanimut ataqatigiinnerat isummaminik pilersanngilaq. Meeraaqqanut siunnersortinngorlaat pingaartumik anaananut namminneq peoriartornerminni ajornartorsiuteqarsimasumut, meeqqamut ungakkiussinissaq ajornakusoortuuvoq. Siunneresortinngorlaat sumiginnagaanerup ajorsingaluttuinnartitsisarneranut kipiseqataasussat.

Taamatut ilinniarneq ukiup aappaa qeqqa ingerlanneqartarpoq. Naammassisut ilagaat Dortinguaq F. Davidsen Ilulissani Ilaqutariinnut Sullissivimmeersoq; ilinniakkamilu atulernissaa qilanaarivaa neriulluni sumiginnaanermik pinaveersaartitsiqataasinnaalluni.

- Perorsaasutut ilaqutariinnillu sulininni, ilaqutariit mikisunik meerartallit naapittarpakka, ilinniagaralu nutaaq aqqutigalugu siusinaarnerusumik ikiusinnaanissannut sakkussaqalerpunga. Sumiginnaanermik pinaveersaartitseqataasinnaanera neriuutigaara.

Kommunit suleqatigalugit ilinniartitsinerup iluatsissinnaasimanera Peqqissaasut qullersaata Ella Skifte-p tulluusimaarutigalugulu nuannaarutigaa.-

- Ilinniartitaaneq nutaaq neriuuteqarfigeqaara. Meeraaqqanut siunnersortit, naartuleqqaarnermiilli meeqqap arnaatalu ataqatigiinnerannik ikorfartuutaasumik aalajangersimasumik peqalerput. Meeqqammi ukiuani siullermi angajoqqaanut attaveqarnerup; inuunerup sinnerani meeqqap periarfissaanut aalajangiisuusarnera ilisimavarput.