Meeqqat pisinnaatitaaffii pillugit ullorsiutit

Juulli tassaavoq meeqqat uummatillu nuannaffiat. Taamaammat meeqqat ataqqineqarnissaat juullimi pingaaruteqarluinnarpoq.

Tamanna pissutigalugu Nakuusa facebookimi juullimut ammartagaliorpoq immikkoortuni 24-ni meeqqat pisinnaatitaaffii pillugit apeqqutit misissuataarneqarsinnaasunngorlugit.

- Ukiup matuma ammartagaatigut ujartorsimavarput nuannisarneq aqqutigalugu meeqqat pisinnaatitaaffiinik ilinniarnissaq. Meeraagaanni inersimasuugaannilu meeqqat pisinnaatitaaffiinik ilisimasaqarnissaq pingaaruteqarpoq. Meeqqat pisinnaatitaaffimminnik ilisimaarinnittut nukittunerusarput, taassumallu saniatigut inersimasut pisussaatitaapput meeqqat pisinnaatitaaffiinik ataqqinninnissaminnut sapinngisartillu tamaat malinniartussaallugit. Tamannali pissutigalugu eqquiniummik sanavugut neriulluta meeqqat pisinnaatitaaffii assanneqarluarumaartut ilinniarfigineqarlutik, NAKUUSAmi aqutsisoq Klaus Møller oqarpoq.

Meeqqat tamarmik pisinnaatitaaffigaat nuannersumik juullisiornissaq tassanilu angajoqqaat akisussaaffik annertooq ersuppaat. Tamannarpiaavorlu Nakuusap 2012-p ingerlanerani sammissaa tassalu 'Suli anaanamik - suli ataatamik!'. Ammartagaq atorlugu meeqqat pisinnaatitaaffimminnik taamalu sunik angajoqqaaminnut piumasaqarsinnaanerminnik ilisimasaqarnerulernissaat anguniarneqarpoq.

Pinnattussanik decemberip 24-at makitsisoqassaaq. Tassani pinnatassaq anneq tassaavoq mini-ipad aamma Nakuusap tujuuluarai ullut ingerlanernanni makitsissutigineqartassapput.