Meeqqat navianartorsiortut aqutsilluarnikkut ikiorserluarneqarsinnaapput
Isumaginninnikkut nakkutilliisoqarfiup nalunaarusiaani pingasunngormat saqqummiunneqartumi Kommuneqarfik Sermersuup isumaginninikkut immikkoortortaqarfia sakkortuumik isornartorsiorneqarpoq.
Nalunaarusiami inerniliunneqartunut ilavooq meeqqat ulorianartumik inissisimasut kommunemit sumiginnarnearsimasut.
Kommuneqarfik Sermersuumi borgmesterip Asii Cheminitz Narupip allaffissornikkut aqutsisut akisusaasuunerat tallimanngornermi Qanooruup aallakaatinneqarnerani oqaatiga.
AAMMA ATUARUK Pisortat sumiginnaapput - politikeriunngitsut
Allaffissornikkut aqutsisut ajornartorsiutaanerat pissutigalugu taakkua akisussaasuunerannik kommunemi kommunaldirektøriugaallartup sisamanngormat oqaatigaa.
Nalunaarusiami innersuussutigineqartut kommunemit maanna atuarneqalerput aaqqissutissanillu siunnersuutinik ilaqutariinermut meeqqanullu ataatsimiititaliaq aggustip ulluisa qulingiluaanni ataatsimiikkunink saqqummiussinissaat naatsortsuutigineqarpoq.
AAMMA ATUARUK Meeqqat illersuisuata nakkutilliisut nalunaarusiaat tupaallaatigaa
Taakkua saniatigut sulisut borgmesterimut qaammaatit pingasukkaarlugit nalunaarsiortarssaapput, suliat aaqqiiviginiarnerinut killiffiit pillugit.
Asii Chemnitz Naarupip naatsorsuutigaa ajornartorsiutip aaqqiivigineqarnissaannut ukiunik marlunnik sivisussuseqarnissaa.
