Meeqqat nakuusernerlu pillugit isumasioqatigiittut

Kalaallit danskillu suleqatigiissutigalugu suliniutaat "Kattunneq - Kalaallit Nunaanni Qimarnguiit" isumasioqatigiinnermik aaqqissuisuuvoq.

Nunatsinni qimarnguinni sulisut meeqqat qimarnguimmiittut qanoq ilillutik pitsaanerpaamik sullissinissaannik isumasioqatigiinnermi ilaatigut ilinniartinneqassapput.

Sammisap iluani suliaqartut arlallit sullissiviit akimorlugit suleqatigiinnissaq eqqartorniarlugu ullumi sisamanngornermi oktobarip aallaqqaataani naapissapput. Tassaallutik politiineersut, peqqinnissaqarfimmeersut aammalu Kommuneqarfik Sermersuup meeqqanut, inuusuttunut atuarfeqarnermullu ingerlatsivianeersut.

Suliniut "Kattunneq - Kalaallit Nunaanni Qimarnguiit" Mary Fondenip, Nunatsinni qimarnguiit, Mælkebøttecenterip, Namminersorlutik Oqartussat OAK Foundationillu suleqatigiissutigalugu ingerlataraat.

Nunatsinni aappariit akornanni nakuusernerup akiorniarneqarnerata annertusaavigineqarnissaa suliniummi siunertarineqarpoq.