Meeqqat minnerit aalanerulernissaannut annerit suleqataassapput

Atuartut mikinerusut anitsiarneranni aalanerulernissaat timersuutinillu soqutigisaqarnerulernissaat anguniarlugu, Nuummi atuartut anginerit pikkorissartinneqassapput. Danmarkimi atuarfinni timersornermik suliaqartut Dansk Skoleidræt Kommuneqarfik Sermersuumit qaaqquneqarluni Nuummi atuartunut anginernut pikkorissartitsissaaq. Kim Godtfredsen peqatigiiffimmit Atuarfimmi Timersornermeersoq isumalluarpoq.

Atuartut anitsiarneranni meeqqat ilaqartarput tunuarsimaartunik, aalajumavallaanngitsunik taamaatumik atuartut anginerit timimik atuinissamik timersornerunngikkaluartumik atuinissamik pikkorissartinneqarput. Tamanna Danmarkimi misillittagaqarfigineqarluarpoq, iluatsittumik, Kim Godtfredsen oqarpoq. Pinnguarnikkut timi aalatinneqartarpoq, toqqaannartumik timersornerunngikkaluartumik. Atuartut anginerit mikinerusullu akornanni pinnguaqatigiinnerunissaq anguniarneqarluni.

Nuummi atuarfinni marlunni atuartut anginerit ataasinngorpat pikkorissartinneqassapput, Kim Godtfredsen neriuppoq, nunatta sinnerani atuarfiit pikkorissartitsinermik aallartitsiumaartut.

Dansk Skoleidrætimeersut marluk Nuummi pikkorissartitsipput.

Nuummi atuartut anginerit ataasinngorpat pikkorissartinneqassapput, allagartartaartinneqassallutillu. Pilersaarutit malillugit atuartut anginerit sapaatit akunneranut pingasoriarlutik anitsiarfinni mikinerusunut pinnguartitsisalernissaat.