Meeqqat maaji peqqissuutippaat
Meeqqat peqataasut amerlassusaat kilometerinik anguneqartunik amerlisarlugit, kisitsisinngorlugit Kalaallit nunaata isorartussusaa anguniarneqarpoq.
Atuartut 2000-it atuarfinni arfinilinneersut peqataapput, amerlaqimmatalu meeqqanut mikinernut misigisaq sakkortulaarsinnaavoq. 1. a-ni ilinniartitsisoq Randi Møller naapipparput.
-Meeqqat ilai uisalerlutik arpakkumajunnaaraluarput, taamaattorli ilinniartitsisoqatima arpaffikkut pisuttuaqatigai, Randi Møller Nuussuup atuarfiani ilinniartitsisoq oqarpoq.
Aaqqissuussap Maaji peqqinnartuutiguk-p immikkuullarinnera maluginiarnanngitsuunngilaq.
Aatsaat taama Kalaallit Nunaanni inuit ataatsikkut arpattut amerlatigaat. Siornalu aaqqissuusami qaammatip ingerlanerani peqataasut katillugit inuit 10.000-it missai peqataapput.
Aaqqissueqataasoq Paarma Søvndahl Holm oqarpoq.
Meeqqat arpattut naamassimmata taamaallaat 500 kilometerit Kalaallit Nunaata tamakkernissaannut amigaataapput, tassa Sisimiuniit Nuummut isorartutigisoq.
