Meeqqat Illersuisuata Tasiilaliarnissani siuartippaa

Meeqqat illersuisuat Tasiilamut tikeraarnissani 2017-mi pilersaarutigigaluarpaa  
maannali Tasiilami meeqqat inuusuttullu inuunerminni atugaat ernumanartut pissutigalugit angalanissani allanngortillugit.

-  Ilisimavara meeqqanik sumiginnaanerpassuit aaqqiiviniarlugit Kommuneqarfik Sermersooq aamma Namminersorlutik Oqartussat suliniuteqartut, tamannalu tapersersorpara. Kisiannili meeqqat inuusuttullu inuunerminni atugaat nammineq takunissaat taakkulu oqaloqatiginissaat uannut Meeqqat Illersuisuattut pingaaruteqarpoq”, Meeqqat Illersuisuat Aviaja Egede Lynge tusagassiuutinut nalunaaruteqarluni taama allappoq.

Meeqqat illersuisuat neripuppoq,  tikeraarnernermi pissutsitsinik paasisaqarluarumaarluni  taamaalilluni kommunip aamma Namminersorlutik Oqartussat illoqarfimmi meeqqat pillugit suliniutissaat pillugit pitsaanerusumik siunnersuisinnaaniassagami.