Danmark meeqqat atugarliortut ikiorsiivigineqarneranni ikiuukkusuppoq
Karen Ellemannip Nunatsinnilu isumaginninnermut naalakkersuisoq Martha Lund Olsen peqatigalugu Ilulissani suliffeqarfiit assigiinngitsut pulaarpaat, Qeqertarsuarmullu ullumi ingerlaqqissallutik.
Danskit ministeriata Qaasuitsup Kommunianut pulaarnera nunatta avannaani pissutsit tusagassiuutigigut sammineqarnerannit pissuteqarpoq.
Danmarkimiit pulaartoqarneq suleqatimmilu soqutiginninnera nuannaarutigalugu, isumaginninnermut naalakkersuisoq Martha Lund Olsen tusagassiuutinut nalunaarummini oqarpoq.
Tamannami meeqqanut inuusuttunullu tunngasunik suliniutinik Karen Ellemannimut takutitsinnissamik periarfissiisoq, Martha Lund Olsenip oqaatigaa.
Namminersorlutik Oqartussat kommunillu Kalaallit Nunaanni unammillernartunut aaqqiiviginn inniarlutik pimoorussillutik sulissuteqarnerat ersarittoq, Danmarkimiillu ikiuinissamut piareersimasoqartoq Karen Ellemann oqarpoq.
- Namminersorlutik Oqartussat pisariaqartitsippata ikiuuteqarnissatsinnut ilitsersuinissatsinnullu Danmarkimiiit piareersimanitta, Namminersorlutik Oqartussanut erseqqissarnissaa uannut pingaaruteqarpoq, Karen Ellemann tusagassiutinut nalunaarummi oqarpoq.
