Meeqqanut ileqqaarutit ullumikkumiit tiguneqarsinnaanngorput
Meeqqanut ileqqaartitsineq ukiumi nutaamiit atorunnaarsinneqassasoq Naalakkersuisut aalajangiuppaat, ileqqaartittakkallu, tassa ukiumut 18 millionit koruunit missaat, meeqqanut inuusuttuaqqanullu suliniutinut allanut atorneqartassasut aalajangiullugu.
Meeqqanut ileqqaartitsisalernissaq Siumup ilungersuussaraa, atorunnaarsinneqarniarneranullu partii Siumut akerliusorujussuuvoq. Ileqqaartitsineq 2007-imi aallartinneqarpoq, meeqqallu ukioqanngitsuniit 18-it tikillugit ukiullit tamarmik qaammammut 1.000 koruuninik ikisiffigineqartarput. Tassalu meeqqat inuusuttuaqqallu 17.000-ingajaat, angajoqqaatik peqatigalugit, ullumimiit aalajangissavaat, ileqqaakkat sumut atorneqassanersut.