Meeqqanik pinerliisimannginnermut uppernarsaammik piumasaqaareqarsimanngillat
Pinngitsaaliilluni ilaqarsimasoq 40-nik ukiulik Kasper Brandt, inuusuttunik aqutsisuunerarsimavoq arnanillu inuusuttunnguanik paarsisinneqartarsimavoq, naak siornatigut pinngitsaaliilluni ilaqarsimasutut eqqartuunneqarsimagaluarluni.
Taamaakkaluartoq kommunit inuusuttulluunniit ornittagaat meeqqanik pinerliisimannginnermut uppernarsaammik 40-nik ukiulimmik pinngitsaaliisimasumiit piumasaqarsimanngillat.
1989-imi, 1996-imi 1997-imi kingullermillu 2011-mi Kasper Brandt pinngitsaaliilluni ilaqarsimasutut eqqartuunneqarsimavoq. Suliaminut meeqqanilluunniit pinerliisimannginnermut uppernarsaammik piumasaqartoqarsimanngimmat, iluatsitseqqilluni inuusuttut ornittagaanni aqutsisuunerarsimavoq, taamaalillunilu kommunit inuusuttullu ornittagaanni arnanik inuusuttunnguanik paarsassinneqartarsimavoq.
April 2013-miit juuli 2013-mut Kasper Brandtip iluatitsilluni Maniitsumi inuusuttut ornittagaanni piumasaraa, arnanik inuusuttunik atuartitsillunilu perorsagassaminik tunineqarnissani. Taarsiullugu arnat inuusuttunnguit pinngitsaalineqarlutik arneriffigineqarput.
KNR suli inuusuttut ornittagaannit kommuniniillu oqaaseqartitsiniarsarivoq, qanoq ililluni angutip tunuliaqutaa misissoqqaarneqarsimanngitsoq.
Eqqartuussaareersimanermi saniatigut, Kasper Brandt arnanik arfineq marlunnik, nukappiaqqamillu qulingiluanik ukiulimmik pinngitsaaliisimasutut kinguaassiutitigullu innarliisimasutut decembarimi eqqartuunneqarpoq. Kasper Brandt piffissami killiligaanngitsumi Hersted Vesterimi Danmarkimi tigummineqartussanngorlugu eqqartuuneqarpoq.
