Meeqqanik kinguaassiutitigut atornerluineq eqqartuussissutaavoq

Koldingimi eqqartuussiviup niviarsiaqqanik atornerluinermik suliassaq angisooq ullumi aallartippaa. Unnerluutigineqartut sisamaasut ilaat ataaseq kalaaliuvoq angut 54-inik ukiulik.
Allattoq Martine Lind Krebs, Gedion Storch
oktobarip 31-at 2011 05:16

Vejle-mi 2002-mi 2003-milu niviarsiaqqanik arfineq pingasunik aamma 15-inik ukiulinnik kinguaassiuutitigut atornerluisimanermik unnerluussisoqarnera pineqarpoq. Unnerluutigineqartut ilaat ataaseq niviarsiaqqanut ataataavoq, unnerluussut naapertorlugu angutinut allanut aningaasanik aangajaarniutinillu akilersilluni niviarsiaqqanik atortitsisarsimasoq.

Angut kalaaleq niviarsiaqqamik arfineq pingasunik ukiulimmik kinguaassiutitigut atornerluisimasutut unnerluutigineqartoq pinngitsuunerarpoq.

Ataataasoq angullu kalaaleq pillarneqarnissaminnut naleqquttutut nalilerneqarsimapput, allalli marluk eqqarsartaatsimikkut innarluuteqarput taamaattumillu nalinginnaasumik pillaatissinneqarsinnaanatik.

Qanoq pineqaatissiisoqassanersoq novembarip arfineq pingajuanni nalunaarutigissagatinneqartoq, ukiunik sisamanik sivisussusilimmik parnaarussaanermik kinguneqarsinnaavoq. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq