Palasi meeqqanik atornerluisimasoq: Ukiuni 42-ni parnaarussassanngortinneqartoq
Argentinami eqqartuussiviup palasit marluk meeqqanut 20-t missaanniittunut atornerluisimasutut ukiuni 45-ni 42-nilu parnaarusssassanngortippai.
Katuullini palasinit marlunnit kinguaassiutitigut atornerlunneqarsimasut palasit taakku marluk ukiut 40 sinnerlugit paarnaarussassanngortinneqarmata nuannapput.
Allattoq Ritzau
novembarip 26-at 2019 10:35
Nutserisoq Bikki P. Kleist
Katuullini palasit meeqqanik atornerluisimasutut inuunertik naallugu parnaarussaasussanngorunarput.
Meeqqat tusilartut siussarluttullu atuarfianni 2004-p 2016-illu akornanni atornerluisoqarsimavoq.
59-inik ukiulik, Argentinami palasiusoq, Horacio Corbacho ukiuni 45-ni parnaarussaasussanngorpoq, Italiamilu palasi 83-inik ukiulik, Nicola Corradi ukiuni 42-ni parnaarussaasussanngorluni.
Katuullit palaasii atornerluisimasutut pasineqarlutik ukiut pingasut matuma siorna paarigallagassanngortinneqarput. Tamatuma saniatigut angut naatsiivilerisoq ukiuni 18-ini aamma parnaarussassanngortinneqarpoq.
Eqqartuussineq aggustimi aallartinneqarmat atornerlunneqarsimasut 13-t atuarfimmi atornerlunneqartarsimanertik pillugu nassuiaatinneqarput.
