McDonaldsip Ruslandimi nerilunniartarfiutini tuninialersaarai
USA McDonald'sip Ruslandimi nerilunniartarfiutini tuninialersaarpai.
McDonald's ataasinngornermi taama ilisimatitsivoq. Nutaarsiassaqartitsiviit arlallit, Reuters taakkununnga ilaalluni, taama allapput.
Ruslandip Ukrainemik februaarip naalernerani saassussinera peqqutaalluni McDonald's taama aalajangerpoq.
AAMMA ATUARUK Pillaatitut iliuuseqarnissamut inatsit tusarniaassutigineqartoq
McDonald'sip Ruslandimi nerilunniartarfiutini marsip aallartisimalaarneraniilli matugallarpai, Ruslandimili nerilunniartarfiuteqarunnaavinnissaq maanna tassa aalajangerneqarpoq.
McDonald's Ruslandimi 850-inik nerilunniartarfiuteqarpoq, inuillu katillugit 62.000-t missaat sulisorineqarlutik.
McDonald'sip nerilunniartarfiutiminik Ruslandimiunut tuniniaaniartoq tusagassiutinut nalunaarummi allaqqavoq.
McDonald's Ruslandimi ukiuni 30-ni nerilunniartarfiuteqarpoq. Nutaarsiassaqartitsvik Reuters taama allappoq.