Mattaat nutaarsuit qaleriiaaginnarput
Qilalukkut 50-it missaanniitut ammalatani marlunni ippassarli pisarineqartarput, sulilu piniarneqarlutik.
Godman Jensen, piniartoq, Kangersuatsiarmiu oqaluttuarpoq piniartut Kangersuatsiameersut 35-it missaaniittut qilalugarniarsinnaanermut allagartallit, Upernavik Kujallermeersullu 20-it missaanniittut sassisut.
Namminersorlutik Oqartussat erseqqissaapput qilalukkat qernertat ammalataniittut. Namminersorlutillu Oqartussat sassisoqarsinnaaneranik aqagu tallimanngornermi nalunaaruteqassallutik ilisimatitsipput. Eerseqqissaallutillu maannamut pisaasut pisassiissutaasunit ilaanngaatigineqassasut.
Sassiffik marlunnik ammalataqartoq Kangersuatsiamit 10 kilometerinik ungasitsigisumiippoq. Piniartut snescooterinik piniaqqusaanngillat, taamaattumik qimussimik sassiarlutik. Nunaqarfinnili tunitsiveqanngimmat mattak piumaneqartaqisoq piniartut tunisiffissaqartinngilaat.
Kangersuatsiaq Upernaviup kujataaniippoq 56 kilometerinik kujasinnerusumiilluni.