Matoqqasumik isertitsiviliornissamut aningaasaliipput
Tamanna Danskit nalakkersuisuisa aningaasaqarnermut siunnersuutaanni takuneqarsinnaavoq. Pinerluuteqarsimasunut inissiissarfissaq pinerluuteqarsimasunut 76-inut inissaqartitsissaaq, matoqqasumik inissinneqartunut ammasumillu inissineqartunut inissaqartitsissalluni.
Pinerluuteqarsimasunut inissiisarfik Nuummiittoq ilaarlugu sanaartortoqassanersoq nutaamilluunniit inisiisarfiliortoqassanersoq manna tikillugu nalornissutigineqarsimavoq.
Danskit naalakkersuisuisa aningaasaliissutissatut siunnersuutaanni 350 millioner koruunit immikkoortinneqartut aallaavigalugit nutaamik sanaartortoqarnissaq qulakkeerneqarpoq, taamattorli sumi Nuummi sanasoqassanersoq suli qulakkeerneqarani.
Danmarkimi pinerluuteqarsimasunik sullissiviup Kriminalforsorgip qullersaqarfiani pisortap Erik Bangip tamanna nalunaarutigaa.
Erik Bang Nuummi suleqatini peqatigalugit qaammatip tulliani Kommuneqarfik Sermersooq ataatsimeeqatigissavaat, pineqaatissinneqarsimasunut inissiisarfissaq matoqqasoq sumi sananeqassanersoq pillugu.
Inissiisarfissap qaqugu sanaartorlugu aallartinneqarnissaa Erik Bangip oqaatigisinnaannginnerarpaa.
Danskit naalakkersuisuisa aningaasaqarnermut siunnersuutaa malillugu pinerluuteqarsimasunut inissiisarfissaq ukioq 2014ip naalernerani sanaartorlugu naammassineqarnissaa Erik Bangip naatsorsuutigaa.
