Mary Arctica amutsivimmiittussanngortoq
Royal Arctic Linep umiarsuaataa Mary Arctica Aalborgiliartilluni Nanortallip eqqaani sikumut aporpoq.
AAMMA ATUARUK Mary Arctica iluliamut aportoq
Qanorli ajoqusersimatigineranut suli oqaaseqartoqarsinnaanngikkallarpoq.
- Suli oqaaseqarfigisinnaanngikkallarparput, takusinnaasagut malillugit nalilersoreerparput, kisianni aatsaat Danmarkimi sullivimmut apuutereerpat qanoq ajoqusertigisimanersoq nalilersorluarneqarsinnaavoq, Royal Actic Linep pisortaa Verner Hammeken oqarpoq.
Umiarsuup Danmarkimut ullumikkut utinngikkuni aqagu uternissaa naatsorsuutigineqarpoq. Verner Hammeken naapertorlugu umiarsuup sapaatip akunnnerini marlunni suliarineqarnissaa naatsorsuutigineqarpoq.
Akornutaanavianngilarli
Sullinneqartulli akornuserneqarnavianngitsut, pisortap oqaatigaa.
- Qujanartumik Arina Arctica suli umiarsuaatigaarput. Taassumalu Mary Articamut taartaalluni angalanissaanut Aalborgimi maanna piareersarneqaleruttorpoq, RAL-imi pisortaaneq Verner Hammeken KNR-mut oqarpoq.