Mary Arctica iluliamut aportoq
Royal Arctic Linep umiarsuaa Mary Arctica Aalborgiliartilluni Nanortallip eqqaani sikumut unnuaq nalunaaqutaq marluk missaanni aporsimavoq. Royal Arct Linep nittartagaani tamanna atuarneqarsinnaavoq.
Allattoq Marie Kûitse Kristensen
Inunnik ajoqusertoqarsimanngitsoq nalunaarutigineqarpoq, soorlu immattoortoqaranilu uuliakoortoqarsimanngitsoq nalunaarutigineqartoq.
- Tamanna pillugu oqaatigisinnaavarput annerusumik ajornartoortoqanngitsoq, Royal Arctic Linep nittartagaani taama allaaserisaqartoqarpoq.
Mary Arctica maanna Qaqortuliartinneqarpoq, ajutoornerup annertussusaa tassani misissorneqassalluni. Umiarsuup ingerlaarfiinik allannguisoqaraangat tamanna Royal Arctic Linemit nalunaarutigineqartarumaartoq umiarsuaatileqatigiiffiup allaaseraa.