OL Martin Møller peqqissilluni tallimanngorpamut piareertoq
Ujakkaartartoq sapaatip akunnerata siuliani nuffaserpoq, taamaalillunilu sisorarluni oqilaniuunnermi skiathlonimik taasagaanni sapaatiummat unammeqataanngitsoorluni.
Martin Møllerip Laila Friis-Sallingillu OL-imut peqataanerat KNR-imit malinnaavigineqassapput:
11. feb - 30 km skiathlon, Martin Møller (Taamaatiinnarpoq)
16. feb - 15 km sukuutserneq, Martin Møller
19. feb - Halfpipe kval., Laila Friis-Salling
20. feb - Halfpipe finale, Laila Friis-Salling
24. feb - 50 km qangatut, Martin Møller
Pyeongchangimi OL-ertoqarnera februaarip ulluisa 9-annit 25-ata tungaannut pissaaq.
Uggornaqaaq, taamaakkaluartorli eqqissisimaarluarsimanini napparsimajunnaarninilu ajunngitsumik isiginiarsaraa.
- Eqqarsarpunga 15 kilometerinik isorartussusilimmutunamminissamut taamaalillunga piareersimalluarnerussallunga. Ajunngitsortaa isiginiaannassavara tallimanngorpamullu qilanaaqaanga, Martin Møller oqarpoq.
Martin Møller Sochimi kingullermik OL-ertoqarnerani ajunngilluinnartumik inissisimavoq, ilaatigullu 50 kilometerinik isorartussusilimmut klassiskimik, tassa qangatoorluni unamminermi nr. 45-tut inissisimalluni.
- Eqqarsartuaannarpunga taamanikkornit ajunnginnerulissallunga, tamannali ajornarpoq. Unamminerni angusarinikuusakka qaangiinnassavakka, ujakkaartartoq oqarpoq.
Maannalu nuakkunnaarsimaleriarami ukiut sisamat matuma siorna pikkorissutsimisulli inissisimalluni oqaatigaa.
AAMMA ATUARUK Nuannersuaarpoq
- Sochimi ujakkaarninni angusattulli minnerpaamik angusaqarnissara naatsorsuutigaara.
15 kilometerinik isorartutigisumut tallimanngorpat sukuutsertoqassaaq februaarillu 24-anni klassiskimik unammisoqassalluni.
