Marthap oqaatsivut annaatissavai

- Haluukkut, ilimmarfimmut oqaasileriffiup aaqqissugaanut tamassi tikilluaritsi, ullumikkut kukkuniaat ukiunik qulinngortorsiorpoq, uangalu tassaavunga qarasaasiaq nammineq kalaallisut atuarsinnaasoq, ilaa torrak, qarasaasiakkut kalaallisut atuffassissut, Oqaasileriffiup ineriartortitaa, Martha, Oqaasileriffiup Ilisimatusarfimmi saqqummiussineranut taama nipeqarpoq.

Martha nunatta aningaarsarpasssuarnik siunissami sipaarutigisinnaavaa.

- Ullumikkut imaakkami, nutsigassat ilaat nutserneqarneq ajorlutik, ilaat paatsoortumik nutserneqatarlutik aningaasarpassuilluunniit atorneqartarlutik, Oqaasileriffimmi siunnersortaaneq, Per Langgård oqarpoq.

Allatamik nutseruminartunik nutserisinnaasumik, akeqanngitsumik atornersinnaasumik, ukiut tallimat iluanni atortorissaarusiornissaq, Per Langgårdip naatsorsuutigaa.

Aamma atuaruk Ilitsoqqussaralugit oqaatsit aallunneqaqqaartariaqarput

Oqaatsiillu qarasaasianik atuileraluttuinnarnermi ilaanissaat pingaaruteqarpoq. FN-ip ataaniittup, UNESCO-p, nunarsuaq tamakkerlugu oqaatsit affaat ukiuni 100-ut iluani nungukkumaartut naatsorsuutigaat. Oqaatsillu qarasaasianik atuinermut ilaasut aniguisuussapput. Oqaatsivut ataavassappata ineriartussappatalu qarasaasiatigut artorissaarutit iluaqutisigariaraqarigut, Oqaasilerfimmi isumaqarput.

Tusartaammik toqqaannartumik nutserisssutitalimmik ungasinngitsukkut pilersitsisinnaalluni, Oqaasileriffiup neriutigaa. Aningaasanilli amigaateqarput.

- Fondinut assigiinngitsunut qinnuteqaqattaarpugut, itigartaqattaarpugut, tassani tassa suliagut marrittooqqarfigivarput, Oqaasileriffiup pisortaa Katti Frederiksen, taama oqarpoq, erseqqissarlugu Oqaasileriffik Namminersorluni Oqartussat ataaniimmat, aningaasaliissutissat aningaasanut inatsimmi immikkoortinneqartariaqassasut.