Martha Abelsen: Iliiniarfigeqatigiissaagut

Martha Abelsenip tikkuarpaa, periaaseq atorneqareersimasoq atoqqissallugu pisariaqanngitsoq.

- Pisortat suliassaqarfiisa aaqqissuussaanerannik iluarsaaqqinnerup, kommunillu kattunnerisa siunertaa tassaavoq, Kalaallit Nunaanni innuttaasunik tamanik sullissinerup inerisarneqarlunilu pitsanngorsarneqarnissaa. Kukkunerit iluarsisariallit ilinniarfigineqarunik ilorraap tungaanut saatsinneqarsinnaapput, KANUKOKA-p siulittaasua oqarpoq.

Martha Abelsenip naqissuserpaa, KANUKOKA nutaaq pingaanerpaamik tassaassasoq, kommunit Namminersorlutik Oqartussanut sanilliullutik inissisimanerannut nukittorsaanissamut allatigullu suleqatigiinnerannut sakkussaq. Martha Abelsenip aamma tikkuarpaa, pissusissamisuussasoq siunertaq tamanna tunaartaralugu kattuffiup kommunini sulisunik politikerinillu piginnaanngorsaanermik ullumikkornit annerusumik aallussilernissaa.

Martha Abelsenip kommunit kaammattorpai, kommunit sassartaartariaqartut iliuuseqarlutillu sumiiffinni aningaasarsiornikkut suliffissaqarnikkullu siuarsaataasinnaasunik.

- Kommunit "socialkontorituinnaq" atuutissanngillat. Innuttaasunik sullissilluarneq tassaavoq, inuussutissarsiornikkut aningaasarsiornikkullu ineriartornisamut innuttaasunut aqqutissiueqataaneq, KANUKOKA-p siuklittaasua, Martha Abelsen ukiortaami oqaaseqaammini ilaatigut taama oqarpoq.