Marokkomi toqutsisoqarneranut atatillugu pingasut tigusaasut
Inuit pingasut illoqarfimmi Marrakechimi tigusarineqartut, Marokkomi oqartussat paasissutissiisut DR.dk allappoq.
- Ujaarineqartut pingasut tigusarineqarnerat uppernarsarteqqammerparput. Tamanna nutaarsiassatsialaavoq piliaminnummi akisussaasuutinneqartussaapput. Nunanut allanut tunngasunut ministeri, Anders Samuelsen DR Nyhederimut taama oqarpoq.
Inuk ataaseq politiinit siullermik tigusarineqarpoq. Marokkomi oqartussat oqarnerat naapertorlugu taanna ingasaassinianut atassuteqarpoq.
Tamannalu pissutigalugu marlunnik toqutsineq peqqarniisaarniarnermik tunngaveqarsinnaasoq nalilerneqarpoq.
Aammattaaq skandinaviamiunik takornarianik toqutsinerup aappaata videoliarinera internettikkut ingerlaarnera aappaattut pissutaatinneqarpoq.
Danskit politiivisa isertortumik paasiniaasartuisa video piviusuunersoq misissuleruttorpaat.
AAMMA ATUARUK Arnat marluk Marokkomi qaqqami toqusimasut nassaarineqartut
AAMMA ATUARUK Danskip Norgemiullu toqutaanerat Marokkop peqqarniisaarniarnermik tunngaveqarsorigaa
