Marokkomi nunap sajorujussuarnerani 1000-it sinnerlugit ajunaartut
Marokkomi Marrakeship qanittuani tallimanngormat nunap sajorujussuarnerani ajunaartut maannamut 1037 pallippaat.
Naalagaffimmi pissutsinut ministereqarfik Marokkomi TV-qarfimmut paasissutissiivoq.
Arfininngorullu ullaavani suli toqusut amerliartortut paasissutissiissutigaat.
Eqqugaasullu amerliartuinnarnissaat ilimagineqarluni.
Naalagaffimmi pissutsinut ministereqarfik naapertorlugu inuit 1200 sinnerlugit aqqunartiterput ilaallu peruluttut oqaatigineqarluni.
Marokkomi ippassaq unnukkut nalunaaqutaq aqqarngup qaangeraa nuna sajummat richterip uuttuutaa naapertorlugu 7,2 sakkortussuseqartoq Marokkomi oqartussaat oqaatigaat. Nuna sajuttoq iloqarfissuup Marrakeship kujammut kitaniippoq Atlasbjergini.
Innuttaasut oqaluttuaraat Marakkeship illoqarfitoqaata ilaa ajalusoortoq.