Maria Grødemip 2015-miit pimoorlugu crossfit aallutilerpaaAssi: Maria Grødem

Maria Grødem crossfittimi VM-ssaaq

Crossfittertartut nunarsuarmi kakkannerpaat ukioqqortussutsini assigiinngitsuni USA-mi julip naanerani unammilerpata nunarput sinnerlugu unammeqataasoqassaaq

Crossfittimi VM-rtoqarnissaanut anngunniuttoqarmat 40-nik ukiulik Maria Grødem Nuummeersoq ilimagisaminit ingerlalluarneruvoq.

Unammeriaatsini assigiinngitsuni periarnerit peqataasut nunagisaminni videomut immiullugit VM-mik aaqqissuisunut Crossfit Openimik taallugu unammisitsisunut nassiunneqarput.

Ukioqqortussutsimi 40-ut sinnerlugit ukiulinni Maria Grødem nunarsuarmi normu 13-tut inissippoq unammeriaatsini assigiinngitsuni pointit katinneqarmata. Ukioqatigiinni pikkorinnerit 20-t kisimik anngussinnaapput anngunniunnissallu sioqqullugit Maria Grødem nunarsuarmi normu 37-tut inissisimavoq. Taamaattumik VM-mut anngussinnaanissaminut qularsimagaluarpoq.

- VM-mut anngussinnaanissara sungiusaasuma neriuutigereerpaa. Normu 37-tut inissisimagama eqqarsaraluarama inissinnernik 18-nik pitsanngoriarsinnaanissara piviusorsiorpallaarunanngitsoq, Maria Grødem KNR-mut oqarpoq.

Isumalluarpoq

2011-mi crossfit aallutilerpaa timersuullu taanna nunarsuarmi siammariartupiloortoq 2015-miit pimoorullugu aallutilerlugu. Maanna Maria Grødem ullormut nalunaaquttap akunnerit sisamat tallimat sungiusartarpoq.

VM USA-mi julip naanerani pisussaammat angalasinnaanermut killilersuutit misissoqqissaarneqarput.

Maria Grødemip sungiusaasua Phil Mansfield Randersimi najukkaminiit VM-qataasussanut arlalinnut sungiusaasuuvoq taamaammat inunnut allanut akuliunnaversaarnissap nalaani sungiusaqatigiissinnaaneq misissorneqarpoq.

VM-mut anngunniunnermi nunarsuarmi kakkannerpaat 13-ttut inissinneq Maria Grødemip VM-mi angusarissaarsinnaanissamut neriuuteqarneranut ilapittuutaavoq.

- Maanna takusinnaalerpara nunarsuarmi kakkannerpaat akornanniissinnaallunga. Taamaattumik sapinngisamik angusarissaarsinnaaneq neriuuteqarfigaara pikkorinnerillu qulit akornanniissinnaassaguma angusaq pitsaasorujussuussaaq, Maria Grødem oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat