Maniitsumi nipisanniarneq ataasinngornermi aallartittoq
Maniitsumi aqutsiveqarfimmi 1C-mi nipisanniarneq ullumi ataasinngornermi aallartissaaq. Uiaaniamit Kangerluarsussuarmut nipisanniarneq apriilip ulluisa 16-ianni aallartissalluni. Aalisarnermut Piniarnermullu Naalakkersuisoqarfik taama nalunaaruteqarpoq.
![](/sites/default/files/styles/image_934x467/public/article_images/stenbider_brian_suda_flickr.jpg?itok=jC6X-Fd5)
Allattoq Mads Lynge
Aqutsiveqarfimmi 1C-mi nipisat suaat 310 tonsit ukioq manna pisassiissutigineqarput.
Kitaanut pisassiissutigineqartut katillutik 1300 tonsiupput, aqutsiveqarfinnilu arfineq-marlunni aalisarneqarsinnaassallutik.
AAMMA ATUARUK Kujataani nipisanniarneq marlunngorpat aallartissaaq
Aqutsiveqarfimmi 1C-mi ulloq tunitsivigineqarsinnaasoq kingulleq tassaavoq pingasunngorneq maajip ulluisa 29-at, tassa pisassiissutit nungoreersimassanngippata.
Pisassiissutigineqartut nunguppata tamanna nalunaarutigineqassasoq Aalisarnermut naalakkersuisoqarfiup ilisimatitsissutigaa. Aqutsiveqarfimmi nungunneqanngitsut aqutsiveqarfimmi allami aalisarneqarsinnaasunngussapput.
AAMMA ATUARUK Nipisaat 1300 tonsit ukioq manna aalisarneqarsinnaapput
![](/sites/default/files/styles/image_934x467/public/nipisat_immap_assinga_.jpg?itok=Eiv5O__S)