Maniitsumi meeqqat inuusuttullu tillinniartuarsinnarput
Kingullermik tillinniartoqarmat pisiniarfik Høka tillinniarfigineqarpoq, pinnersaasiassat nalunaaqutaaqqallu katillugit 50.000 koruuninik nalillit tillinneqarlutik.
Inuit pinnersaasiassanik nalunaaqqutaaqqanilluunniit neqeroorfigineqarunik Maniitsumi politiinut saaffiginneqquneqarput.
Pisiniarfiit tillinniarfigineqakkajupput. Pingasoriarlutik tillinniarfigineqarneranni, aqqaneq-marlunnik ukiulik, 14-inik ukiullit marluk, 17-inillu ukiulik tillinniarput. Suli 18-iliineqanngimmata inunnik isumaginnittoqarfimmut suliassat tunniunneqartut, Morten Hansen Radioaviisimut oqarpoq.
Maniitsumi Pisiffik qaammatip siuliani tillinniarfigitimmat oqarasuaatit angallattakkat 50-it sinnerlugit tillinneqarput.
Uppernarsaatissanik ujaasinerminni Maniitsumi politiit najugaqarfiit sisamat misissuiffigaat.
Pisiniarfiinnaanngilarli tillinniarfigineqartut. Maniitsumi oqaluffik aamma tillinniarfigitippoq, aningaasat 4.000 koruunit missaat tillineqarlutik.