Maniitsumi ippassaq "iPadsit ulluat"

Qarasaasiaaqqat iPadsit Maniitsumi ippassaq agguaanneqarput, "iPadsit ulluannik" ippassaq ulloq immaqa taasinnaavarput.

iPadsit 400-t missaanniittut Maniitsumi atuarfimmi Kilaaseeqqami Qeqqata Kommunianit ippassaq ualikkut agguaanneqarput.

Aningaasaateqarfiup Villum-Fondenip 17 millionit koruuninik aningaasaliineratigut iPadsinik agguaasinissaq piviusunngorsinnaasimavoq, Sisimiunilu atuartut siullersaallutik januaarip naalernerani qarasaasiaaqqanik taamaattunik assuaassivigineqarput. Sisimiut eqqaani nunaqarfiit kingusinnerukkut agguaassivigineqarput, Maniitsorlu ippassaq tassa tullinnguulluni.

Kangaamiuni, Atammimmi Napasumilu atuartut sapaatip-akunnerani tullermi tullinnguutissapput, taamaalilluni Qeqqata Kommuniani atuartut tamarmik iPadsitaarsimalissallutik.

iPadsinik atuartitsinermi atuisalerneq periarfissanik sorpassuarnik ammaassissaaq, soorlu atuartitsineq pissanganarnerulissasoq ilinniartitsisut neriuutigaat, meeqqat atuarfiini angusat pitsaanerulissapput, kommuninilu atuartut siunissarissaarnerulissallutik, Qeqqata Kommunia nittartakkamini allappoq.

Villumip Aningaasaateqarfianit 17 millionit koruuninik aningaasaliineq qarasaasiaaqqanik pisinissamut Kommune Kujallermi meeqqanut atuartunut kingusinnerusukkut tullinnguutissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat