Politeerpassuit qaffasissunik atorfinittartut

- Tamannalu politiit isigineqarnerinut iluaqutaavoq, kisianni aamma unammilligassaavoq suleqatitit pikkorissut politiitut atorfitik qimattarmatigit, atorfillit pisortaat Lars Kirkegard oqarpoq.

Kalaallit Nunaanni politiit siusinnerusukkulli sulisumik sulisoriinnarnissaat ajornartorsiutigisarpaat.

- Kalaallit Nunaanni politiit suli sulisumik sulisoriinnarnissaat ajornartoqartippaat. Tamakku inuiaqatigiinni atorfinnut pilerinartunut ussernartorsiortaramik, atorfillit pisortaat Lars Kirkegaard oqarpoq.

Politiit piginnaasaat inuiaqatigiinni taama piumaneqartut aappaatigut ajunngilaq.

- Suleqatitta atorfinnik qaffasissunik tigusisinnaanerat tanngassimaarutaasinnaavoq, aammali unammilligassaqalersitsipput.

- Nukiimmi taamaalillutik Kalaallit Nunaata politiivinit peertarput.

Lars Kirkegard isumaqarpoq politiit ilinniarnerminni sulinerminnilu piginnaasarilersagaat allanit aamma atorluarneqarsinnaasut. Kisianni..

- Suliarli aamma piumasaqaatitaqaqaaq piffissap ingerlanerani artornarsisinnaasoq. Taamaattumik suliniaqatigiiffittut politiit atugaat nalaattagaallu eqiingaffiginerujussuusariaqarpavut.

Politiit assigiinngitsunik iliuuseqarlutik sulisutik pigiinnarusuppaat, suliffeqarfinnummi allanut assersuutigalugu aningaasarsiatigut unammillersinnaannginnamik, Lars Kirkegaard oqarpoq.

- Suliffeqarfik avatangiisillu iliuuseqarfiginiarsarivagut. Aamma ilinniakkap tungaatigut neqerooruterpassuarnik sulissuteqarpugut, pitsaasumik ilinniagaqarnissaat atorfimminnilu ineriartornissaat siunertaralugu, Kirkegaard oqarpoq.

Politiit ilinniarfiat marsip aallaqqaataata tungaanut nutaanik ilinniartussarsiorpoq.