Mallertorsuugaa ajunaartoq
Angallat isikkamik 27-nik angissusilik marlunnik issisimasulik Uummannap avataani Nuussuup avammut isuata avataani ajornartorsiulerlermik nalunaarpoq. Qulimiguulik S-61 annaassiniarpoq anori sekundimut 25 meterinik sakkortussuseqarmat mallertorsuugaa.
Annaassiniartut angut annanniutinik atisakkanik atortoq ikkarlummiittoq qulimiguullit kivitsissutaa atorlugu ikitinneqarpoq.
- Angutip angalaqataa imaaniittoq takuneqarpoq ajukusooraluartoq timmisartumut ikineqarpoq taarsineranilu Uummannaliaanneqarluni. Aqqutaa tamaat politiit ikiueqqaarnermik uummarsaanermillu misiliigaluarput iluatsinngitsumilli, Air Greenland nalunaarpoq.
- Politiit misissuinerat suli ingerlavoq. Paasiniaaneq pissutigalugu politiit annerusumik maanna oqaaseqarsinnaanngikkallarput, vicepolitikommisær Poul Petersen nalunaarpoq.