Malittarisassat pisariillisarneqassapput
Malittarisassat allanngoraluartut sulinngiffeqartarnerit sivisussusaat allanngussanngillat. Kisianni angajoqqaat sulinngiffeqarnertik unitsikkallarsinnaalissavaat, sulinngiffeqarnissamik sinnera ullormusiaqarsinnaanerluunniit annaanagit. Tassa angajoqqaat ataatsimiinnernut, pikkorissarnernut assigisaannullu, suliffimminnit aaqqissuunneqartunut peqatasinnaalissapput, pisinnaatitaaffitik annaanagit.
Aalajangersakkat nutaat inatsimmut ilanngunneqarput, angajoqqaanngorlaat meeqqioreersimasunut naleqqiullutik suliffimmi ineriartornissamut periarfissaat minneroqqunagit.
Malittarisassat nutaat aamma atuartunut ilinniartunullu atuutissapput, taamaalillutik kissaatigigunikku erninermi angajoqqaatulluunniit sulinngiffeqarnertik unitsikkallarlugu misilitsissinnaalerlutik, tamatumalu kingorna sulinngiffeqarnertik nangeqqissinnaallugu.
Meeravissiartaartut angajoqqaatulli atugassaqartitaalernerat, erninermi sulinngiffeqartarneq pillugu inatsisip aamma sunniutigisussaavaa.
Inatsisissatut siunnersuut Inatsisartut ukiakkut ataatsimiinneranni akuersissutigineqassappat meeravissiartaartut, meeqqamik tigusinerminnut atatillugu sapaatip akunnerini 17-ini sulinngiffeqarsinnaalissapput.
