Malik Arctica 114 meterinik takissuseqarpoq, containerinillu 20 fodsinik 606-inik useqarsinnaalluni.Assi: Royal Arctic Line.

Malik Arctica Ittoqqortoormiinukaqqaarani Reykjavikkiliartoq

Umiarsuarsuaq assartuissut sikoqarpallaanera pissutigalugu illoqarfimmut apuussinnaanngilaq.

Umiarsuaq assartuissut, Malik Arctica Reykjavikkimut ingerlaalerpoq.

Umiarsuaq orsersortariaqarpoq, nutaanillu peqqumaatissanik aallissalluni.

Royal Arctic Linemmi ukiornissaanut peqqumaatissat userisani Ittoqqortoormiinut apuunniarnissaat sivisusinnaasoq naatsortuugiaa. Umiarsuaq aatsaat sapaatip akunnerata tulliani Ittoqqortoormiit eqqunukaqqissaaq.

Umiarsuaq Ittoqqortoormiit eqqaani sapaatip-akunnerata siuliani ingerlariaqqinnaveerpoq. Umiarsuaq sikumit ingerlasinnaaleraluarpoq, taamaakkaluartorli sisamanngormalli illoqarfiup avataniiginnarluni.

Ittoqqortoormiinummi tulassinnaasimanngilaq.

AAMMA ATUARUK Ukiornissaanut peqqumaatissat Ittoqqortoormiinut suli apuussinnaanngitsut

Umiarsuup illoqarfimmut tulassinnaannginneranut arlalinnik 2 – 3,5 kilometerinik takissuseqartunik materinillu marlunnik annertunerusumilluunniit issutigisunik puttaarsuaqarnera pissutaavoq.

Royal Arctic Linep oqarnera naapertorlugu puttaarsuit illoqarfimmut qanittunnguamiipput. Taamaammat umiarsuaateqatigiiffiup puttaarsuit kaanngarlutik illoqarfiup tungaanukaarlutik umiarsuup tunuanut perataarusunngilaq.

Royal Arctic Linep oqarnera naapertorlugu puttaarsuit ilaat ataaseq illoqarfimmut qanittuararsuarmiippoq ikkarleqqarpasillunilu, kaanngarlunilu illoqarfiup tungaanut illuariartulissagaluarpat umiarsuaq taassuma tunuanut peratarsinnaavoq.

- Ittoqqortoormiini umiarsuup usingiarnera ullunik pingasunik sivisussuseqassangatipparput, tikinnissatsinnilu illoqarfimmut apississinnaaneq kisiat eqqarsaatigineq ajorparput, aamma umiarsuup isumannaatsumik inissisimanera isumannaatsumillu anillaqqissinnaanera ilanngullugit naliliiffigisarpagut, Royal Arctic Line paasissutissiivoq.

- Ingerlaarnissamik aalajangerneq taamaattumik sila sikullu pillugit nalunaarutit piffimmilu isigisat kiisalu aamma inuttat, umiarsuup usillu isumannaatsuunissaat tunngavigalugit pisarpoq.  

Malik Arctica 114 meterinik takissuseqarpoq, containerinillu 20 fodsinik 606-inik useqarsinnaalluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat