Maliina: Politikkikkut akulerunneq aqqutissatuaavoq

Ilinniartitsisut atorfinnut qinnuteqartut mattussaaneri pillugit, politikkikkut akulerunnissaq avaqqunneqarsinnaajunnaarunartoq, isumaqatigiinniarmut akisussaasup, Aningaasaqarnermut Naalakkersuisup, Maliina Abelsenip ualiartoq nalunaarutigaa.

Illuatungiliilluni IMAK-ip siulittaasua, Sivso Dorph oqarpoq
Naalakkersuisut KANUKOKA-llu isumaqatigiinniartitaat isumaqatigiinniarnissamut piumassuseqarsimanngitsut.

Aningaasaqarnermut Naalakkersuisoq, Maliina Abelsen ualiartoq KNR-imut ima oqarpoq:

- Aaqqiissutaasinnaasunik allanik tikkuagaqarnissaq ajornakusoorpoq. Neriukkaluarpugut aaqqiissutissanik allanik takkuttoqarumaartoq, atuartulli atugaat Naalakkersuisunit salliutittariaqarpavut.

Ilinniartitsisunik atornikkusuttunik ullut 30-issaannik mattussineq ingerlareersoq Aningaasaqarnermut Naalakkersuisoq, Maliina Abelsen taama oqarpoq.

Naalakkersuisunit politikkikkut akuleruttoqarnissaa piumasarineqarpat, KANUKOKA-p siulittaasuata Inatsisartunilu partiit amerlanerussuteqartut, Atassut kisimi pinnani, isumaqatigisinnaakutsoorlugu ippassaq oqaatigaat.

Politikkikkut akuleruttoqarnissaa ajuusaarutigigaluarlugu tamassuma siunniunneqartussanngorunarnera, Maliina Abelsenip oqaatigaa.

- Ajusaarutigaara maanna killiffik taamaattoq anguneqarsimammat, qularutigineqassanngilarli aaqqiangiinnginneq allatut iliornikkut KANUNOKA-mit Naalakkersuisunillu aaqqinneqarsinnaasoq neriuutigigaluaratsigu. Isumaqatigiissitsiniartartup akunnermiliunneratigut aaqqiangiinnginneq aaqqinneqanngilaq naak aaqqiisoqarnissaanik uangut kissaateqaraluartugut, Maliina Abelsen oqarpoq.

Isumaqatigiinniarnerit nalaanni IMAK-i sunnerneqarsinnaasimanngitsoq, naak sulisitsisut aaqqiissutissanik isaassisimagaluartut, KANUKOKA-p siulittaasuata, Martha Abelsenip ippassaq oqaatigaa.

Tamanna pillugu IMAK-ip siulittaasua, Sivso Dorhp ima oqarpoq.

- Martha Abelsenip ippassaq taama oqarnera eqqunngilluinnarpoq ajortitsiniaaneruinnarlunilu. Isumaqatigiissitsiniartartup akulerunnerani uangut annertoorujussuarnik pilliuteqaraluarpugut, taamaattumik Martha Abelsenip oqarnera eqqunngilluinnarpoq.

IMAK-ip siulittaasua oqarpoq nangillunilu oqaatigalugu, sulisitsisut isumaqatigiittoqarnissaanik kissaateqarsimanngitsut.

- Isumaqatiginiakkatta suut aporfissaasinnaasut tamaasa nassaariniarpaat, isumaqatigiinniarnerlu unitseqattaarlugu.

Isumaqatigiinniarnerilli tamaannga killittariaqanngitsut Sivso Dorhp-ip oqaatigaa.

- Isumaqatigiinniarnerit pisinnaapput piumassuseqartoqarpat, uangummi tamassumunnga piumassuseqarluarpugut, Sivso Dorhp oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat