ASSIT Møller ajugaaqqippoq

Martin Møller Arctic Circle Racemi, 20-ssaani ingerlanneqartumi, ajugaaqqippoq.

Allattoq Jonas Løvschall-Wedel

apriilip 03-at 2016 13:31

Nunarsuarmi ujakkaarluni arpannerit sakkortunersaat, Arctic Circle Race, ulluni pingasuni ingerlanneqarmat, ullut pingasut ingerlatiinnarlugit annguteqqaarpoq.

Aamma atuaruk Arctic Circle Race soqutigineqarluartoq

Martin Møller Arctic Circle Racemi arfineq-marlussaa pissartanngorpoq.

Frederik Petersen aappaattut inissippoq, Erik Amundsenilu pingajuattut inissilluni.

Arnat 160 kilometerimut unammineranni Niviaq Chemnitz Berthelsen ajugaavoq, Uiloq Slettemark aappaattut- Johanne Nive Møllerilu pingajuattut.

Aamma atuaruk Kunngissaq ACR-imullu peqataasut allat aallarluarput

Niviaq Chemnitz Berthelsen unamminermi angusarinnerpaani tallimaattut inissinneqarpoq.
Angutit 100 kilometerimut unammineranni Poul Petersen ajugaasuuvoq, arnanilu Nukarleq Jeremiassen ajugaalluni.

Kunngissaq Frederik peqataasuni nuimanersaavoq. Arpaffissaq tamarmiusoq 160 kilometerinik isorartussusilik akunnerit 16-it ingerlarlaffigereerlugu, normu 52-inngorluni apuuppoq.