Isikkamik arsaallu pissartanngorniunnerit 2018 Unamminerni isertitsinerpassuit
Nuummi isikkamik arsarluni pissartanngorniunnerit ullut pingajussaanni ingerlanneqarmata unamminerni sisamaasuni katillugit 24-riarluni isertitsisoqarpoq.
Allattoq Bikki P. Kleist
Ilulissaneersut N-48 Maniitsumeersunut Kagssassuk-mut unammigamik 5-0-mik ajugaapput.
Qaqortumeersut K-33 aamma Tasiusameersut Eqaluk 54 unammigamik 5-2-mik ajugaavoq.
NUK Kugsak 45-mut unammigami 5-1-mik ajugaavoq.
AAMMA ATUARUK Siorna pissartat IT-79 B-67-imut ajorsarujussuartut
Marlunngornermi unamminermi kingullermi G-44 pissartaasimasullu IT-79 unammivissorput.
G-44 siuttuusinnarluni kingusinnerusukkut IT-79-miut sukataalerput G-44-mullu 4-2-mik ajugaallutik.
N-48 aamma B67 unamminerni suli ajorsanngillat. Ullumilu unamminerit siulliit aallartippata UB-83 aamma Kâgssagssuk unammissapput