Isikkamik arsaalluni pissartanngorniunnerit 2018 Siorna pissartat IT-79 B-67-imut ajorsarujussuartut

Ataasinngornermi unamminerit sisamat ingerlanneqarput - isertitsisoqarluarporlu.

Siullermik Ilulissaneersut N-48 NUK-mut unammigamik 4-0-mik ajugaapput.

Tamatuma kingorna Qeqertarsuarmeersut G-44 Tasiusarmiunut Eqaluk 54-imut unammigamik  2-0-mik ajugaapput.

Upernavimmeersut UB 83-meersut Kugssak 45-imut  unammigamik 4-1-mik ajugaapput.  

Ippassaq unnukkut unamminermi kingullermi siorna pissartanngortut Nuummeersut IT-79 aamma B-67 unammipput.

Siorna pissartanngortut IT-79  B-67-imut unammigamik 5-1-mik ajorsarput.

Isikkamik arsarluni pissartanngorniutivinnerit ullumi nal. 13.15 aallartippata Maniitsumeersut Kagssasuk aamma N-48 Ilulissaneersut unammissapput unamminissallu allat pingasut aamma ingerlanneqassallutik, unnamminerillu KNR-TV-ikkut aallakaatinneqassallutik.