Løkke Johannesenimut mianersoqqusivoq
Savalimmiuni lagmandimut, Kaj Leo Johannesenimut, Danmarkimi ministeriuneq, Lars Løkke Rasmussen, taama allappoq, aaqqissuusseqqinnissamillu siunnersuut akuerineqariataarneqartinnagu Lars Løkke Rasmussenip Kaj Leo Johannesen ataatsimeeqatiseraa.
- Siunnersuummi erseqqarluttoqarnissaa, Savalimmiut naalagaaffeqatigiinnikkut iluarsartuunnerannut qulartitsilersinnaasumik - kialuunniit - Lagtingimut ilaasortaaguni savalimmiormiuuguniluunniit - pisariaqartinngilaa, Lars Løkke Rasmussen allappoq.
Savalimmiuni aaqqissuusseqqinneq Danmarkimit siusinnerusukkut isornartorsiorneqarsimavoq, tassalu aaqqissuusseqqinnissamik pilersaarut Lagtingimit ukiuni qulingiluanngortuni allanngortinniarneqareersoq, Lars Løkke Rasmussenip mianersoqqussutaa tassa maanna tutsiuppoq.
Aaqqissuusseqqinnissamut siunnersuutip maajimi aappaassaaneerneqarnerani siunnersuut kukkukersiugaq Lagtingimit akuersissutigineqarpoq, 15-it isumaqataallutik 14-illu akerliullutik, kukkunersiukkami tassani Savalimmiut Danmarkimiit avissaartinnnginneqarnissaat qulakkeerneqartussaavoq.
Oqaaseqaammili, 18-inik quppernilimmi, Inatsisinik atortitsinermut ministereqarfimmit erseqqissaatigineqarpoq, naalagaaffeqatigiikkunnaarnissamik suli kinguneqarsinnaasoq.
Oqaaseqaammi allassimasut naapertorlugit aaqqissuusseqqinnissamik siunnersuut "aalajangersakkanik, tunngaviusumik inatsimmut naapertuutinngitsunik" imaqarpoq, "Savalimmiullu inatsisaasa inissisimanerannut nunarsuarmioqatigiit nalornilersissinnaallugit".
Dansk Folkepartimi nunanut allanut tunngassuteqartunik oqaaseqartartoq, Søren Espersen, isumaqarpoq, siunnersuut saqqummiukkamikku savalimmiormiut ajutoorutissaannarminnik imminnut ikiortut:
- Aqqissuusseqqinnissaq inuiannit taasissutigineqartussaavoq, naalagaaffeqatigiinnermillu peernermik kinguneqassappat akuersissutigineqarnavianngilaq. Savalimmiormiut misileeqqinnissaminnut ukiorpassuit taava utaqqisariaqassapput, Søren Espersen oqarpoq.
