Lynge: "Greenland Expressip akissuteqarfiginissaa ulapputigaarput"
Timmisartortitseqatigiiffik aasaanerani ilaasunik angallassisalerisuppoq, akuerineqarnissamulli qinnuteqaateqaat Namminersorlutik Oqartussanit arriisaarunneqartoq, Gert Brask timmisartuussisalernissamik suliniuteqartoq oqarpoq.
Ilaasunik angallassiniarluni timmisartuussinissamut qinnuteqaatit suliarineqartarnerat nalinginnaasumik qaammatini marlunni suliarineqartarput Attaveqarnermut Naalakkersuisoq Steen Lynge oqarpoq atorfilittanilu ulapittut taassuma erseqqisaatigaa
- Qinnuteqaat naammassiniarlugu atorfilittagut sulisarput, qinnuteqaatillu naammassineqarnissaa anguniarlugu paasissutissat tamakkiisut piniarlugit sukkasuumik sulisoqarpoq, Steen Lynge oqarpoq, - paasissutissat tamakkiisut pigineqaleraangata aalajangiisinnaaneq pilertarpoq, Attaveqarnermut Naalakkersuisoq oqarpoq.
- Nunatsinni suliffeqarfinnik nutaanik aallartisartut taakkualu innuttaasunik kiffartuussinermik iluaqutaasussaangaata taakkua naalakkersuisunit nuannaarutigineqatarput taakkuami akinik pitsaanerusunik kinguneqartarmata Steen Lynge oqarpoq.
- Timmisartuussisarnissamut qinnuteqartoqarnera - immikkut oqaatigissagutsigu nuannaarutigivarput nunatsinni akit apparsarneqarnissaanut iluaqutigineqarsinnaammat, Steen Lynge oqarpoq.
Steen Lynge-p erseqqissaatigaa suliffeqarfinnik nunatsinni aallartitsiniartunik pilersitsiniartunillu Naalakkersuisoqatigiit tapersersuiniarlutik arpriilimi aalajangermata.