Lukasjenkop sakkutuut Hvidruslandip kitaani killeqarfiliartikkai
Hvideruslandip præsidentiata, Aleksandr Lukasjenkop Hvideruslandip kitaatungaani killeqarfinni sakkutooqalersinneqartoq oqaatigaa.
Tamanna nunami allamiut Hvideruslandimi pissutsinut tunngatillugu oqaaseqarneranut qisuariarnerusoq, Lukasjenkop marlunngornermi oqaatigaa.
Ilanngullugulu sakkutuut pisussaaffeqarnerminnik naammassinninnissaminnut piareersimalluinnarnerarpai.
Præsidentillu sakkutuunik killeqarfimmukartitsinissamut aalajangernini ”eqqortumik qisuariarnerusoq” oqaatigalugu.
AAMMA ATUARUK Lukasjenko afviser udenlandsk mægling i Hviderusland
- Tamanna qangali eqqarsaatigisimassagaluarparput, Lukasjenko oqarpoq.
Hvidruslandimi illoqarfiit pingaarnersaanni Minskimi Lukasjenkomut taassumalu aqutsineranut illuatungiliuttut akerliuinertik marlunngornermi takuteqqippaat.
Hvidruslandimi præsidentimut aggustip ulluisa qulingiluaanni qinersisoqarmalli ullut tamaasa akerliussutsimik takutitsisoqartalerpoq.
Ruslandip præsidentiata, Putinip pisariaqalissappat nunami sillimaniarnerup atuutsileqqinnissaanut ikiuiniarluni neriorsuutigisimasaa Lukasjenkop sapaatip-akunnerata naanerani oqaatigaa.
