Løkkep nunatta Issittumi periusissiornissaanik aammaarluni ujartoraa
Nunanut allanut tunngasunut ministeriup Lars Løkke Rasmussenip Kalaallit Nunaata Issittumi periusissiornissaanik aammaarluni ujartoraa, tusagassiorffik Altinget Arktis allappoq.
Danskit naalakkersuisuisa nunanut allanut isumannaallisaanermullu politikkianni periusissiaq Folketingemi sapaatit akunnerata siuliani kingullermi oqallisigineqarmat, Lars Løkke Rasmussen taama oqarpoq.
- Maanna nunanut allanut tunngasunut ukioq ataaseq ministeriuvunga Issittumilu periusissialiornissaq angorusussimallugu, taassumalu anguneqarnissaanut naalagaaffeqatigiinnut tamarmiusunut suliarineqassammat paasisinnaavara, Lars Løkke Rasmussen oqarpoq.
Issittumi periusissiassamut kalaallit ilanngussaqarnisaat pisariaqarpoq, taaannalu suli suliarineqanngilaq.
Kalaallit Nunaata periusissiassamut ilanngussinissaa ataqqillugu utaqqigini, Lars Løkke Rasmusen oqarpoq.
Kunngeqarfik Danmark naalagaaffiit akornanni kisiartaalluni Issittumi susoqarnisaanik periusissiaqanngilaq.
Naalakkersuisut Issittumi periusissiassamut siunnersuutaat Nunanut Allanut Sillimaniarnermullu Ataatsimiititaliamut upernaaq saqqummiunneqareeraluartoq, siunnersuut taanna Inatsisartut ukiakkut ataatsimiinneranni suliarineqanngilaq.
Issittumi periusissialiorneq politikkikkut suliaralugu ajornaquteqarpallaanngitsoq, Lars Løkke Rasmussen oqarpoq.
Taassumali piviusunngortinniarneqarnera ajornakusoornerujussuuvoq, Rusland nuna taanna Issitumiittoq Ukrainemut sorsummat Kinalu Ruslandimut sunniuteqaleriartuinnarluni.
Issittullu sakkuaaffiunnginissaanut kissaatigineqartumut naapertuunnani.
- Anguniakkap nammineerluta oqaasertalernissaanut ajornakusoornerussagunartoq, Lars Løkke Rasmussen oqarpoq.
