Arabiamiunit kingoqqisut partiiaraat Israelimi qinersinerup inerneranut sunniuteqarluinnartoq
Partiit assigiinngitsorpassuit Israelimi inatsisartunut ukiut marluk iluanni sisamassaannik qinersinermi qinigaatitaqarput, tamannalu naalakkersuisoqatigiiliortoqarnissaanut eqqarsaatersuutit imaaginnavinnerannik kinguneqarpoq.
Ministeriunerup 71-inik ukiullip, Benjamin Netanyahup, ministeriuneruinnarnissaatut qinersinerup unnuaani isikkoqaraluarpoq, partiiami talerperlerneersoq Likud tunuliaqutaralugu ministeriuneruinnarsinnaaassagunartutut isikkoqarmat.
AAMMA ATUARUK Partiit siuttut marluk Israelimi qinersinermi naligiittorujussuusut
Netanyahup ajugaanissaa arabiamiunit kingoqqisut partiiata, Den Forenede Arabiske Listep, qinigaatitaqannginneranik isikkoqarnerani ilimagineqaleraluarpoq, arabiamiutulli tunuliaqutillit inatsisartunut qinigaatitaqartut qinersisoqareersorlu kisitsisoqarnerani paasinarsivoq. Tamanna naalakkersuisoqatigiiliorsinnaanermut allanik periarfissaqalertitsisoq, aviisi Ha'aretz allappoq.
