Partiit siuttut marluk Israelimi qinersinermi naligiittorujussuusut
![](/sites/default/files/styles/image_934x467/public/article_images/20190918-084736-l-1920x1401we.jpg?itok=uIOEGl4r)
The Guardian naapertorlugu partiip siuttua sakkutuunullu siuttuusisamoq Benny Gantz Israelimi nalunaaqutaq malillugu pingasunngornermi ullaassakkut taama oqarpoq.
- Maannamut inernerit naapertorlugit Israelimi innuttaasut uatsinnut tatiginninnertik aappassaanik takutippasippaat. Innuttaasut ataqatigiinnermut nunamilu juutit naalagaaffigisaanni tamat oqartussaaqataanerannillu tunngaveqartumi Israelimi tamat oqartussqaaqataanerannut tatiginnipput, 60-inik ukiulik Israelillu illersuiniarnermut sakkutuuini 2011-mit 2015-mut siuttuusoq Gantz oqarpoq.
AAMMA ATUARUK Netanyahup Vestbredden naalagaaffimmut ilanngunniarpaa
Israelimi partiit annersaat marluk Likud partiilu tungujortoq qaqortorlu naatsorsuutigineqartutut marlunngornermi qinersinermi naligiittorujussuupput.
Israelip TV-qarfiisa qinersivinni inuit isumaannik paasiniaanerisa siulliit tamanna takutippaat.
Ministeriunerup Benjamin Netanyahup partiianit Likudimimeersut 31-t 33-llu akornanni Israelip inatsisartuini Knessetimi ilaasortanngortussaarpasipput. Tungujortoq aamma qaqortumeersut 32-t 34-llu akornanni ilaasortaanngortussaarpasipput.
Benny Gantz naalakkersuisunik pilersitsiniassaguni tamanik Avigor Liebermann taakkununnga ilaalluni oqaloqateqarniarluni oqarpoq.