Asii Kleist Berthelsen Danmarkimi arsaannermi siunissagissaarumaartoq eqqoriarneqarpoqAssi: Privat

Ligami sungiusaasoq: Asii Danmarkimi ligami kakkannerit ilagilersinnaavaat

16-nik ukiulik Asii Kleist Berthelsen ukiuni marlunni atuuttussamik silami arsaannermi Danmarkimi pissartanut Fortuna Hjørringimut ukiuni marlunni atuuttussamik isumaqatigiissusiorpoq

Asii Kleist Berthelsen Danmarkimi silami isikkamik arsaannermi Fortuna Hjørringip U-18-ni unammisartuini målerpassuarnik isaatitsisuuvoq.

Tamanna klubbiata eqqummaariffigaa maannalu ukiuni marlunni atuuttussamik inersimasuni unammisartutut isumaqatigiissusiorfigalugu.

- Neriuppugut ukiut arlaqanngitsut qaangiuppata Asii Danmarkimi ligami kakkannerit ilagilerumaaraat aammalu Danmarkimi pissartanngorniarnitsinni Champions Leaguemilu unammisarnitsinni siuttut ilagilerumaaraat, Fortuna Hjørringimi sungiusaasuuneq Niclas Hougaard Hansen KNR-mut oqarpoq.

AAMMA ATUARUK Maligassiuisut: Inuusuttut timersullammattut toqqagaapput

Fortuna Hjørringimi unammisartooreerpoq. Isumaqatigiissusiornikkulli suli sivisunerusumik unammisartuutiginissaanut klubbia qulakkerinnippoq.

Champions Leaguemut nalunaarutigaat

Suli maanna Fortuna Hjørringimi U-18-ni unammisartuuvoq aammalu Danmarkimi U-18-ni ligami isertitsinersaalluni.

Asii Kleist Berthelsenip maanna klubbimini inersimasut sungiusaqatiginerusarpai. Sungiusaasua aamma ilimasuppoq ukiut arlaqanngitsut qaangiuppat qallunaat pikkorinnerni nunanut allanut unammisartuiniilerumaartoq tusaamasat soorlu Pernille Harder iligilerlugit.

- Tamanna alloriarnerussaaq annertooq sulilu tassunga killinnissamut Asii ukiuni arlalinni ineriartornissamut periarfissaqarpoq. Kisianni maannakkutut ingerlaannassappat taava uagutsinnut anguniaagasariaqarpoq pikkorinnerni nunanut allanut unammisartunngornissamut inerisarnissaa, Niclas Hougaard Hansen oqarpoq.

Fortuna Hjørring Danmarkimi pissartatut pissartat Europami unammersuarneranni Champions Leaguemi upernaamut peqataasussaavoq.

- Iligiinni Champions Leaguemi unammisitassatsinni 25-usuni peqataasussatut Asii nalunaarutiginikuuarput aamma ilimanarpoq sunniutilinnut ilaasinnaanissaa, Niclas Hougaard Hansen naggasiivoq.

Asii Kleist Berthelsen maanna aappassaa Fortuna Hjørringimi ukiinermini inerikkiartupiloorpoq. Tamannarpiarlu pissutigalugu timersoqatigiit kattuffiat GIF timersortartunik Maligassiuisuni novemberimi nersornaasiimmat Asii Kleist Berthelsen timersullammattut toqqagaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat