Lethip pisasseeriaaseq nutaaq isornartorsioraa

Mikinerusunik angallatilinnut amerlanerusunik aalisagartassinneqarta nunarput patsiveerumaarfiulersinnaasoq, Henrik Leth Berlingske Businessimut oqarpoq.

Aalisarnermut piniarnermullu naalakkersuisuusimasup, Hans Enoksenip, angisuunik aalisariutaatillinnut aalisagartassiissutinik ikilisitsinerata kingorna Henrik Leth mianersoqqussuteqarpoq.

Aamma aalisarnermut aaqqissuusseqqinnissami mikerusunik aalisariutaatillit  aalisariutaatileqatigiiffinnut aalisagartassiissutit ilaannit tunineqartalertussaarpasipput.

AAMMA ATUARUK GE-p SIK-llu pisassiissutit sorsuutigigaat

Tamanna umiarsuaatileqatigiiffinnut soorlu Polar Seafoodimut Royal Greenlandimullu aningaasatigut kinguneqarnerlussasoq, taamaasillunilu nunatta karsianut isertitat ikinnerulissasut, Henrik Leth isumaqarpoq.

Aamma mikinerusunik aalisariutillit aalisagartassiissutigineqartunik aalisarsinnaajumallutik umiarsuarsiniarnissartik unammillernartissagaat, taanna isumaqarpoq.

- Taama aaqqiineq Kalaallit Nunaannut piitsuunerulersitsissaaq, aalisartunngoqqaartullu raajarniutinut aningaasaliisinnaassanngimmata aalisarnermik inuussutissarsiornerup taarsigassarsikkuminassusia appanngippat taarsigassarsisineqarsinnaajunnaassaaq, Henrik Leth Berlingske Businessimut oqarpoq.

AAMMA ATUARUK GE-p SIK-llu isornartorsiuinerat Enoksenip akissuteqarfigigaa

Naalakkersuisut siulittaasuat, Kim Kielsen, Hans Enoksenilu Berlingskemi isornartorsiuummut akissuteqarumasimanngillat.