Lene Espersen: Issittoq aningaasarsiorfittut aamma atorneqartariaqarpoq
Lene Espersen Issittumi iliuusissaq sapaatip akunnerani uani saqqummiuppaa.
Sikup aakkiartorneratigut pinngortitaq annertoorujussuaq pisuussutinik annertuunik peqartoq atorneqarsinnaalissasoq iliuusissami saqqummiunneqarpoq, tassani suliffeqarfiit aningaasaliinissannut kammattorneqassapput ikiorneqarlutillu.
Lene Espersenip issittumi pilersaarutigisani iliuusissanilu nunarsuarmi aningaasarsiornikkut aviisit annersaani The Wall Street Journalimi oqaluttuarai.
Kalaallit Nunaat Danmark Savalimmiullu isumaqatigiissuteqarput, nunani taakkunani pinngortitat niuernikkut aammattaaq atorneqassasut.
Issittup allanngutsaaliorneqarnissaa pillugu aningaasarsiornikkut niuernikkullu atorneqannginnissaanik siornatigut periusiusarsimasoq maannakkut iliuusissat nutaat takkunneqaratigut allanngortoqarpoq.
Issittumi avatangiisit pinerullugit siornatigut oqallittoqartarpoq.
Iliuusissami nutaami nunarsuarmi tamarmi suliffeqarfissuit Kalaallit Nunaannut issittumullu ammaanneqarput.
- Kikkut tamaasa tikilluaqqugatsigit tamanna ersersinniarumaarparput. Suliffeqarfissuit issittumut Kalaallit Nunaannullu takkunnissaat annilaanganatalu ersissutiginngilarput, Lene Espersen nunarsuarmi aningaasarsiornikkut aviisit annersaanni Wall Street Journalimi apersorneqarluni oqarpoq.