Lauritz marlunnik ujaminnappoq

Taekwon-Do-mi unamminerit “Big Apple International ITF Taekwon-Do Championships” New York-imi ippassaq arfineq pingajussaa ingerlanneqarput. Kalaallit Nunaanniit unammeqataasutuaq, Lauritz Heilmann, kuultimik sølvimillu ujaminnappoq.
Allattoq Medea Frederiksen
aggustip 05-at 2012 15:18

Tusagassiuutitigut nalunaarummi ilaatigut ima allassimavoq:

Elite Sport Greenlandimi timersullammak, Lauritz Heilmann, ullugissaaqaaq. Tul-imi unamminerni kuultinnappoq frikamp-imilu sølvinnalluni.

Lauritz unamminerit immikkoortui, 6. dan - tul-imi unamminerni qaffasinnerpaaq, kiisalu naammaannartumik oqimaassusillik (64 kg) unammiffigai.

- Ulloq unamminaqaaq. Unamminerit ingerlanneqarnerat, Europami unamminerit ingerlanneqartarneraniit allaanerulaarput. Unaminissat ima ingerlanneqarput, divisioneqatigisagut tamarmik unammisinnaallugit, Lauritz Heilmann nassuiaavoqunammisartullu Europa kangillermeersut amerlanerusimanissaat neriuutigisimanerarpaa:

- Unammisartut nunanit Europa kangillerneersut maani unamminitsinni peqataanissaat neriuutigisimagaluarpara, ukioru St. Petersburg-imi world cup-imut unammeqataanissannut piareersaatigilluarniassagakku, Lauritz Heilmann oqarpoq.

Nunanit makkunanit unammeqataasut nunanit makkunanngaanneerput: USA, Canada, Mexico, Hondoras, Puerto Rico, Grenada, England, Uzbekistan aamma Indien.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq