Lars Mathæussen Partii Inuinit ilaasortaajunnaarpoq

- Partii Inuit ilaasortaaffigisara ullumi ilisimatippara ilaasortaajunnaarfigalugu, Inatsisartuni ilaasortaq Lars Mathæussen, Nikku Olsenimut sinniisussatut Inatisartunut ilaasortanngortoq, 143-nik taaneqartoq, Qalorsaq.gl-imut oqarpoq.

Partiimit tunuartoq ilaasortaajunnaarnerminut paasissutissanik annerusunik maannakkut ilisimatitserusunngilluinnarpoq.

- Ilaasortaajunnaarpungali Partii Inunnut ilaasortanngikkaluarlunga pitsaanerusumik suliaqarsinnaallunga misigisimagama, Lars Mathæussen, Inatsisartut ilaqutariinnermut peqqissutsimullu ataatsimiititaliaani siulitaasoq oqarpoq.

- Maannakkut attaviitsuuvutit, maannakkut qanoq pilersaaruteqarpit?

- Naalakkersuisooqatigiit namminneerlutik tamanna ulluni qaninnerni nassuiaassutigissavaat, qanorlu inissinneqarnissara aamma oqaatigalugu, Lars Mathæussen, Inatsisartut kukkunersiuinermut aamma eqqissisimatitsinermut avatangiisinullu ataatsimiititaliaanni ilaasortaq Qalorsaq.gl-imut erseqqissaavoq. 

Naalakkersuisoqatigiit Lars Mathæussenip Partii Inunnit ilaasortaajunnaarnera pillugu ulluni qaninnerni nalunaarutiginiarpaat.