Lars-Emilip pissaanermik tunisimanera Kim Kielsenip peqqissimissutigigaa
![Kim Kielsen og Lars-Emil Johansen](/sites/default/files/styles/image_934x467/public/article_images/kim_-_lej.jpg?itok=_IdmmbG8)
Siumup Naalakkersuisullu siulittaasuata, Kim Kielsenip, oqaatigaa Lars-Emil Johansen taama pissaaneqartigisumut inississimanera peqqissimissutigalugu.
Atuagagdliutit ullumi saqqummersoq taama allaaserisaqarpoq.
- Peqqissimissutigaara anuata pituutaa qangali kipisimannginnakku, Kim Kielsen, qimussertarnermut assersuussilluni aviisimut taama oqarpoq.
AAMMA ATUARUK Siumumi aporaanneq Inatsisartut ataatsimiinneranni initusoq
Lars-Emil Johansen Siumup siulittaasuanik isornartorsiuisut ullumikkut annersaraat Kielsenillu unammillertaa Vittus Qujaukitsoq tapersersorlugu ammasumik oqaatigisimallugu.
Kielsenilli oqaatigisaa oqaaseqarfigerusunngilaa. Lars-Emil Johansenip Atuagagdliutinut erseqqissaatigaa Siumup siulittaasuanit toqqarneqarani Inatsisartunit toqqarneqarsimalluni.
AAMMA ATUARUK Siumumi isumaqatigiinnginnerit qinersisartut tatiginninnerannik innarliisinnaasoq
AAMMA ATUARUK Siumumi aporaannerit imaaginnavipput
AAMMA ATUARUK Lars-Emil Johansenip isornartorsiuinera pissusissamisuunngilaq
AAMMA ATUARUK Lars-Emilip partiimi siulittaasua isornartorsiorpaa